Vyznačyli terminy dazvolenaha zboru bruśnic i žuravin

Usie rehijony Biełarusi aficyjna vyznačyli terminy zboru bruśnic i žuravin u 2025 hodzie. Adpaviednyja pastanovy apublikavanyja na Nacyjanalnym pravavym internet-partale.

Bruśnicy. Fota ilustracyjnaje

Kožnaja vobłaść vyznačaje daty samastojna. Sioleta jany nastupnyja:

• Bresckaja vobłaść: bruśnicy možna źbirać z 12 žniŭnia, žuraviny — z 6 vieraśnia;
• Viciebskaja vobłaść: bruśnicy možna źbirać z 16 žniŭnia, žuraviny — z 9 vieraśnia;
• Homielskaja vobłaść: bruśnicy možna źbirać z 12 žniŭnia, žuraviny — z 6 vieraśnia;
• Hrodzienskaja vobłaść: bruśnicy možna źbirać z 14 žniŭnia, žuraviny — z 8 vieraśnia;
• Minskaja vobłaść: bruśnicy možna źbirać z 14 žniŭnia, žuraviny — z 8 vieraśnia;
• Mahiloŭskaja vobłaść: bruśnicy možna źbirać z 14 žniŭnia, žuraviny — z 8 vieraśnia.

Za zbor dzikarosłych jahad pa-za ŭstanoŭlenymi terminami pahražajuć bujnyja štrafy. Dla fizičnych asob — da 20 bazavych vieličyń (840 rubloŭ), dla pradprymalnikaŭ — da 100 bazavych vieličyń (4,2 tysiačy rubloŭ), dla jurydyčnych asob — da 500 bazavych (21 tysiača rubloŭ).

Kamientary da artykuła