U Biełarusi sioleta niama čarnic. Kali letaś narychtoŭščyki pryniali dziasiatki ton jahad, to sioleta — ničoha
Viasnovyja zamarazki i praciahłyja daždžy nie pakinuli šancaŭ lasnoj jahadzie.
Pra deficyt čarnic hetym letam piša vydańnie «Točka».
Jak raskazaŭ błohier-jahadašukalnik Alaksandr Śvirko, viadomy ŭ TikTok pad nikam «Jahadny Baron», hetaje leta stała adnym z samych składanych pa ŭradžaju čarnic. Zbor pačaŭsia paźniej, čym zvyčajna, i praciahniecca zusim niadoŭha.
Mužčyna źbiraje jahady ŭžo 19-y hod, zajmajecca hetym ź dziacinstva i adznačaje, što prahnozy na sioletniaje leta niesuciašalnyja.
«Čarnicy dobra ćvili, ale mocna paciarpieli ad zamarazkaŭ, što ciahnulisia tydzień u mai. U vyniku pra čarničnyja «dyvany», jakija byli niekalki hadoŭ tamu, možna tolki maryć», — kanstatuje jon.
Praz nastupnyja častyja daždžy jahady atrymalisia drobnyja i vadzianistyja — «łopajucca ŭ rukach».
«Źbirać čarnicy davodzicca ŭ zacišnych miescach, na addalenych palanach — litaralna pa jahadcy», — skardzicca Śvirko.
Błohier taksama adznačaje, što ŭ hetym hodzie nie varta raźličvać i na doŭhi siezon. Zbor čarnic pačaŭsia paźniej i praciahniecca niadoŭha. Kali raniej ich možna było znachodzić da vieraśnia, to ciapier užo ŭ žniŭni les moža apuścieć.
«Maksimum tydzień-dva — i čarnicy adyduć. Zialonyja jahadki traplajucca — na ich zastajecca nievialikaja nadzieja», — tłumačyć Alaksandr.
Jahadnik skardzicca i na maliny — navat u svaich «firmovych» miescach znachodzić tolki drobnyja i čarvivyja.
Što kažuć kaapieratary
Pra deficyt paviedamlajuć i narychtoŭčyja punkty. Jak paviedamiŭ načalnik upraŭleńnia pramysłovaści, narychtovak i źniešnieekanamičnaj dziejnaści Mahiloŭskaha abłspažyŭsajuza Arciom Pryžkoŭ,
sioleta nasielnictva čarnic pakul uvohule nie zdavała.
Miž tym u 2024 hodzie da siaredziny lipienia narychtoŭščyki ŭžo pryniali 32,5 tony hetych jahad.
Pryčyny, pavodle Pryžkova, tyja ž samyja: viasnovyja zamarazki i praciahłyja daždžy.
Ciapier čytajuć
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ18
Kolki biełarusaŭ hałasavała za Łukašenku na raniejšych vybarach? Apublikavanyja zakrytyja ličby dziaržaŭnych apytańniaŭ
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary
V etom siezonie naša strana ostałaś nie tolko biez kartoški, no dažie bieź jabłok.