Pieršaha namieśnika načalnika Biełčyhunki Dułuba asudzili na 10 hadoŭ kałonii
3 miljony dalaraŭ, jakija znajšli ŭ jaho doma, kanfiskavali.
Vyniesieny prysud pieršamu namieśniku kiraŭnika Biełčyhunki Piatru Dułubu. Jaho abvinavačvali ŭ atrymańni chabaru (artykuł 430 Kryminalnaha kodeksa) i biaździejańni (artykuł 425).
Dułub atrymaŭ prysud 11 hadoŭ kałonii, ale adzin hod zrezała amnistyja.
Pa danych abvinavačańnia, Dułub z dapamohaj pryvatnaj łahistyčnaj kampanii arhanizavaŭ za chabar tranzit vuhalu z Kazachstana ŭ Polšču praź Biełaruś, chacia heta škodziła intaresam čyhunki. Taksama jon za chabar dazvalaŭ pryvatnym kampanijam karystacca vahonami, jakija naležać BČ.
Dułuba zatrymali ŭ červieni 2024 hoda.
Pavodle milicyi, atrymany im chabar byŭ adzin z samych vialikich u Biełarusi. Doma ŭ Dułuba znajšli $3 miljony. Jany kanfiskavanyja.