U pieršaha namieśnika kiraŭnika Biełčyhunki znajšli doma $3 miljony
Ministerstva ŭnutranych spraŭ paćvierdziła raniej apubličanuju «Supolnaściu biełaruskich čyhunačnikaŭ» infarmacyju pra toje, što za chabar zatrymali bujnoha top-mieniedžara Biełaruskaj čyhunki. Pasadu jaho pa-raniejšamu nie nazyvajuć, ale možna mierkavać, što havorka idzie pra pieršaha namieśnika kiraŭnika BČ Piatra Dułuba.
Pavodle pres-słužby MUS, vyjaŭlenyja fakty «sistemnaha chabarnictva pry łabiravańni intaresaŭ kamiercyjnych struktur, jakija ažyćciaŭlajuć dziejnaść u śfiery hruzapieravozak». Top-čynoŭnik nibyta supracoŭničaŭ z pradstaŭnikami adnoj z bujnych biełaruskich kampanij, jakaja zabiaśpiečvaje pieravozki hruzaŭ jak pa Biełarusi, tak i za miažu.
Chabarnik atrymlivaŭ bujnyja sumy hrošaj padčas niekalkich sustreč, a ŭ tajnikach jahonych kvatery i zaharadnaha doma kanfiskavana zvyš 3 miljonaŭ dalaraŭ ZŠA. Pry hetym Supolnaść biełaruskich čyhunačnikaŭ raniej pisała tolki pra 1 miljon.
Pa hetych faktach zaviedzienaja kryminalnaja sprava za atrymańnie chabaru asobaj, jakaja zajmaje adkaznaje stanovišča, u asabliva bujnym pamiery. Padazravany aryštavany i «daje pryznalnyja pakazańni».
Pieršaha namieśnika kiraŭnika Biełčyhunki aryštavali z $1 miljonam chabaru
Kiraŭnika «Biełmiedtechniki» i jahonaha namieśnika sudziać za niajakasnyja miedyčnyja vyraby i pieravyšeńnie paŭnamoctvaŭ
«Niekalki hadzin kružyŭ pa Minsku, praviarajučy sačeńnie». Eks-dyrektaru Dobrušskaha farforavaha zavoda dali dzieviać hadoŭ
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy2
Kamientary