U Słuckim rajonie pabitaja žančyna ciarpieła da taho času, pakul nie trapiła ŭ reanimacyju
U ahraharadku Lenina Słuckaha rajona 12 žniŭnia adbyŭsia vypadak chatniaha hvałtu. Mužčyna 1990 hoda naradžeńnia padčas svarki nanios svajoj sužycielnicy, jakaja naradziłasia ŭ 1976 hodzie, bolš za dziesiać udaraŭ, pieravažna pa hałavie, piša rajonnaja hazieta «Słucki kraj».
Fota: Słucki kraj
Paśla hetaha mužčyna z žančynaj lehli spać. Nazaŭtra žančyna pajšła na pracu, ale kalehi zaŭvažyli ŭ jaje surjoznyja traŭmy i prapanavali źviarnucca da miedykaŭ. Jana spačatku admoviłasia, adnak padčas pracy joj stała drenna i jana straciła prytomnaść.
Chutkaja dapamoha dastaviła paciarpiełuju ŭ balnicu, dzie ŭ jaje vyjavili ciažkaje paškodžańnie hałaŭnoha mozhu — vialikuju hiematomu z aciokam i zrušeńniem jaho struktur, a taksama šmatlikija siniaki na tvary. Žančynu pakłali ŭ reanimacyju Słuckaj CRB.
Śledčyja razam z ekśpiertami ahledzieli miesca zdareńnia, apytali śviedkaŭ i pryznačyli ekśpiertyzy. 13 žniŭnia suprać mužčyny raspačali kryminalnuju spravu za pryčynieńnie ciažkich cialesnych paškodžańniaŭ. Jon zatrymany, viaducca śledčyja dziejańni.
Čytajcie taksama:
10-hadovaja dziaŭčynka mocna pabiłasia, zvaliŭšysia z elektrasamakata
Siłaviki zatrymali zamiežnikaŭ, jakija pabilisia na vulicy ŭ Minsku. Kažuć, heta nie pakistancy