Sustreča Trampa i Pucina pačniecca a 22-j hadzinie
Sustreča prezidentaŭ ZŠA i Rasii Donalda Trampa i Uładzimira Pucina ŭ Ankorydžy na Alascy pačniecca siońnia a 22-j hadzinie pa minskim časie, paviedamiŭ Bieły dom. Raniej paviedamlałasia pra 22:30.
Pucin i Tramp u 2019 hodzie. Fota: Susan Walsh / AP
Tym časam pa darozie na Alasku Pucin prybyŭ z rehijanalnym vizitam u Mahadan, paviedamlajuć rasijskija ŚMI.
Pres-sakratar Kramla Dźmitryj Piaskoŭ adznačyŭ, što prezident RF naviedaje pramysłovaje pradpryjemstva i sustreniecca z hubiernataram Mahadanskaj vobłaści Siarhiejem Nosavym.
«Nakiroŭvajučysia na paŭnočny ŭschod, Pucin nikoli nie hublaŭ mahčymaści zaniacca rehijanalnymi spravami, tak jon zrabiŭ i hetym razam», — skazaŭ Piaskoŭ.