U Minsku na školnym stadyjonie sieŭ viertalot
Učora ranicaj na Hrušaŭcy zaŭvažyli pasadku viertalota na školny stadyjon. Pavietrany transpart naležyć MNS, a na borcie znachodziŭsia kaštoŭny hruz — donarskaje serca.
Skrynšot videa MNS
Sanitarnaja avijacyja MNS prylataje na stadyjon škoły №105 nie ŭpieršyniu. Jak akazałasia, viertalot i placoŭku vykarystoŭvajuć bolš za 10 hadoŭ dla dastaŭki donarskich orhanaŭ.
U Ministerstvie achovy zdaroŭja rastłumačyli, što na borcie znachodziłasia donarskaje serca — jaho dastavili ŭ RNCP «Kardyjałohija», jaki znachodzicca pobač.
Za minuły hod takim čynam vykanali 13 dastavak. A z pačatku hetaha hoda viertalot MNS dastaviŭ u centr 8 donarskich sercaŭ.
Pieršuju pierasadku serca ŭ Biełarusi zrabili ŭ lutym 2009 hoda, a ŭ 2016-m upieršyniu praviali transpłantacyju kompleksu serca — lohkaje.