Były vice-premjer Rusy nazvaŭ Alasku ruskaj ziamloj

Sienatar vyrašyŭ prakamientavać pieramovy Donalda Trampa i Uładzimira Pucina ŭ samym paŭnočnym amierykanskim štacie. I ŭzhadaŭ, što na Alascy zachavalisia pravasłaŭnyja cerkvy.

Michaił Rusy. Skrynšot videa ANT

Michaił Rusy parazvažaŭ ab sustrečy Trampa i Pucina ŭ prahramie Marata Markava. Ministr infarmacyi zhadaŭ, što niekali Alaska była ruskaj ziamloj, a ciapier stała amierykanskaj pravincyjaj.

Rusy ž ličyć, što Alaska i ciapier ruskaja ziamla. Jon zhadaŭ, što tam zachavalisia pravasłaŭnyja cerkvy. Vidać, były vice-premjer ličyć heta markieram ruskaści.

«Ja čytaŭ niadaŭna, dla mianie taksama było cikava, što heta miesca byccam by vyznačana samim Boham. Jakraz vialikaje relihijnaje śviata pravasłaŭnaje. I cerkvy ŭ Ankorydžy zachavalisia našy pravasłaŭnyja. 

Ja dumaju, heta simvalična, što na hetaj ziamli, na ruskaj ziamli, budzie pryniata niejkaje rašeńnie, jakoje dazvolić zrabić krok da miru. Napeŭna, rašeńnie budzie pryniata», — ličyć Rusy.

Rasijskaja impieryja kałanizavała Alasku na miažy XVIII-XIX stahodździaŭ, a ŭ 1867 hodzie pradała paŭtara miljona kvadratnych kiłamietraŭ ZŠA za 7,2 miljona dołaraŭ. Ciapier pra rasijskaje minułaje samaha vialikaha pa płoščy amierykanskaha štata nahadvajuć tolki chiba tyja ž pravasłaŭnyja cerkvy, niekatoryja hieahrafičnyja nazvy i asobnyja imiony i proźviščy.

Kamientary da artykuła