Mer Lidy: Majo serca zaŭsiody naležała Rasii. Usiebakova padtrymlivaju tuju misiju, jakuju jana vykonvaje
Kiraŭnik Lidskaha rajvykankama Alaksandr Viarsocki pryznaŭsia ŭ addanaści Rasii i raskazaŭ, jak adpraŭlaŭ rečy rasijskim vajskoŭcam na front.
Alaksandr Viarsocki adkryta raspavioŭ pra svaje pačućci na sustrečy z delehacyjaj Šałabalichinskaha rajona Ałtajskaha kraja Rasii.
Pradstaŭniki Lidy praviali z haściami dyjałohavuju placoŭku. Pa śledam hetaj sustrečy Viarsocki pačaŭ pryznavacca ŭ lubovi da Rasii.
«Ja zaŭsiody adčuvaŭ i praciahvaju adčuvać asablivaje pačućcio da rasijan. Heta nie farmalnaść, nie sproba padstroicca pad situacyju — heta ščyraja pavaha, jakaja farmiravałasia ź dziacinstva. Majo serca zaŭsiody naležała Rasii. Ja spačuvaŭ jaje kamandam, pieražyvaŭ za jaje pośpiechi. Heta pačućcio — nie pakaznoje, nie časovoje. Ja pra heta zaŭsiody kazaŭ adkryta — i praciahvaju kazać», — zajaviŭ Viersocki.
Jon dadaŭ, što całkam padtrymlivaje misiju, jakuju vykonvaje Rasija. Sudziačy pa kantekście, Viarsocki maje na ŭvazie vajnu suprać Ukrainy.
«Siońnia, jak staršynia rajvykankama, ja całkam padtrymlivaju tuju misiju, jakuju vykonvaje Rasijskaja Fiederacyja. My razam dapamahali — adpraŭlali humanitarnyja kanvoi, źbirali rečy dla chłopcaŭ na linii bajavoha sudakranieńnia. Heta naš ahulny kłopat, naša ahulnaja adkaznaść», — skazaŭ kiraŭnik Lidy.
Nie tak daŭno Viarsocki adznačyŭsia jašče adnym hučnym vykazvańniem. Jon zaklikaŭ siłavikoŭ nie spyniać palityčnyja represii.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary