Kolkaść mašyn na polskaj miažy pieravysiła čatyry tysiačy
Pa stanie na šostuju ranicy suboty na pierachodzie «Brest» na polskaj miažy stajać 4040 lehkavych mašyn. Heta absalutny rekord.
Ilustracyjny zdymak. Fota: terespol / Telegram
U sieradu stała bolš za try tysiačy mašyn, učora bolš za 3500. Takim čynam čakać vyjezdu možna bolš za tydzień.
Pa stanie na 06:00 na pierachodzie «Brest» stajać 95 aŭtobusaŭ.
Na litoŭskaj miažy ŭ «Bieniakoniach» — 150 lehkavych mašyn, u «Kamiennym Łohu» — 100. Čerhaŭ z aŭtobusaŭ niama.
Na łatvijskaj miažy ŭ Hryharaŭščynie čerhaŭ niama.