Rasijanie atakavali dronami Izmailski rajon Adeskaj vobłaści — uźnik mocny pažar
Paśla rasijskaj ataki paškodžany infrastrukturnyja abjekty ŭ Izmaile, paviedamili miascovyja ŭłady. Rasijskija kanały pišuć pra źniščeńnie naftabazy — bujnoha łahistyčnaha centra dla naftapraduktaŭ.
U Izmaile paškodžany infrastrukturnyja abjekty i vytvorčyja pamiaškańni, paviedamiŭ kiraŭnik Adeskaj abłasnoj vajennaj administracyi Aleh Kipier. Na miescy ŭźnikli pažary, jakija, pavodle jaho słoŭ, apieratyŭna patušyli.
Viadoma pra paranienaha mužčynu.
Rasijskija kanały pišuć, što źniščana bujnaja naftabaza na poŭdni Ukrainy — «Tryton» u Adeskaj vobłaści. Pavodle ich aficyjna nie paćvierdžanych słoŭ, źniščanyja reziervuary z dyzielnym palivam, paškodžany naftachimičny tankier.