Minski top-mieniedžar adsiedzieŭ za karupcyju, vyjšaŭ i znoŭ pačaŭ brać chabar u tych ža samych ludziej
Ciapier dyrektaru filijała zavoda pahražaje da 15 hadoŭ kałonii.
Dyrektara filijała adnaho z pradpryjemstvaŭ ciažkaj pramysłovaści buduć sudzić za karupcyju. Cikava, što dla jaho heta nie pieršaja takaja kryminalnaja sprava. Pryčym svaje schiemy jon pravodziŭ z adnymi i tymi ž ludźmi.
63-hadovy mieniedžar pracavaŭ dyrektaram filijała ŭ Minsku. Z sakavika 2022 hoda pa studzień 2025 hoda jon uziaŭ ad pryvatnikaŭ jak minimum na 145 tysiač rubloŭ chabaru. Za adkaty jon dapamahaŭ pastaŭščykam vyjhravać tendary, harantavaŭ apłatu za pastaŭki i akazvaŭ inšyja pasłuhi.
Hety ž dyrektar siadzieŭ na łavie padsudnych u 2011 hodzie. Tady jaho taksama sudzili za chabary ŭ asabliva bujnym pamiery. Pryčym ad tych ža samych ludziej, paviedamlaje SK.
Ciapier menedžara buduć sudzić pa bolš ciažkaj karupcyjnym artykule. Jamu pahražaje ad 5 da 15 hadoŭ kałonii.