Dana Holdings vyklučyli z sankcyjnaha śpisu ZŠA
Ministerstva finansaŭ ZŠA abnaviła Śpis asobna paznačanych hramadzian i zabłakavanych asob (SDN) Upraŭleńnia pa kantroli za zamiežnymi aktyvami (OFAC). U jaho ŭnieśli źmieny: šerah biełaruskich subjektaŭ vyklučany, a suprać šerahu iranskich kampanij i sudnaŭ uviedzienyja novyja sankcyi.
Fota ilustracyjnaje
Zhodna z apublikavanaj infarmacyjaj, sa śpisu vyklučanyja kampanii Dana Holdings Limited, Dana Holdings, Dana Kholdingz, zarehistravanyja na Kipry, a taksama sierbski biźniesmien Niabojša Karyč, jaki mieŭ dačynieńnie da dziejnaści Dana Holdings.
Braty Karyčy — Bahalub i Drahamir — viadomyja ŭ Biełarusi bujnymi budaŭničymi prajektami ŭ Minsku i suviaziami ź siamjoj Alaksandra Łukašenki. Niabojša Karyč, syn Bahaluba, znachodziŭsia pad sankcyjami ZŠA z 2021 hoda.
U lutym stała viadoma, što kampanija «Dana Astra», padraździaleńnie biełaruskaj kampanii Dana Holdings, sprabavała damahčysia ad Vialikabrytanii źniaćcia raniej uviedzienych sankcyj. Adnak kampanii nie ŭdałosia pierakanać Łondan u nieabchodnaści hetaha. Raniej hetaja ž firma taksama sprabavała źniać abmiežavańni Jeŭrasajuza, ale biezvynikova.
Čytajcie taksama:
Braty Karyčy, zarablajučy ŭ Biełarusi, nabyvali nieruchomaść u Arabskich Emiratach
U Minsku pastavili pomnik adnamu z zasnavalnikaŭ Dana Holdings
Łukašenka pahražaje turmoj kiraŭnictvu «Dany»
Kolki «budaŭničyja kašalki» Łukašenki vyvieli hrošaj ź Biełarusi i jak ich admyvali