U jakich rajonach Biełarusi samyja vysokija zarobki? Čynoŭniki padličyli
Statystyčny kamitet ahučyŭ statystyku za žnivień 2025 hoda, pieradaje sb.by.
Ilustracyjny zdymak
Načalnica hałoŭnaha ŭpraŭleńnia statystyki pracy Nacyjanalnaha statystyčnaha kamiteta Iryna Bandarenka adznačyła, što samyja vysokija zarobki ŭ žniŭni 2025 hoda — u žycharoŭ Minska. U siarednim, pa jaje słovach, heta pa 3,6 tysiačy rubloŭ.
Paśla Minska ŭ hetym rejtynhu znachodziacca Astraviecki, Minski, Salihorski, Dziaržynski i Rečycki rajony sa siarednimi pakaznikami ad 2,9 da 3,4 tysiačy rubloŭ.
Samyja nizkija zarobki — u Viciebskaj vobłaści. Tam ludzi ŭ siarednim atrymlivajuć pa 2,3 tysiačy rubloŭ.
Najbolšyja hrošy zarablajuć pracaŭniki śfiery IT, zdabyčy syroj nafty i pryrodnaha hazu. Siaredniaja zarabotnaja płata ŭ hetych vidach dziejnasci składaje bolš za 7 tysiač rubloŭ, ahučyła čynoŭnica.
Na druhim miescy — rabotniki sa śfiery pavietranaha transpartu, u ich vychodzić bolš za 6 tysiač rubloŭ. A treciaj pa zarpłacie zastajecca finansavaja dziejnaść — z bolš jak 4 tysiačami, — dadała Iryna Bandarenka.