«BiełDžy» vypuskaje try novyja aŭto

Zavod «BiełDžy» rychtuje da vypusku try novyja aŭto. U bližejšyja miesiacy ŭ prodaž pastupiać hibrydny krasovier Belgee X80, biudžetny elektrakar Geely E22H (Geome), a taksama hazavaja viersija siedana Belgee S50, paviedamlaje Myfin.

Geely E22H. Fota: Myfin.by

Belgee X80

Užo ŭ trecim kvartale 2025 hoda na kanviejery zavoda pačnuć źbirać Belgee X80 — hibrydnuju viersiju kitajskaha Geely Galaxy Starship 7. Siertyfikacyja madeli zaviaršajecca, u žniŭni-vieraśni čakajecca vychad na rynak Biełarusi i JEAES.

Novaja dla biełaruskaha aŭtavytvorcy madel maje zapas chodu bolš za 900 km, u tym liku bolš za 100 km na elektraciazie.

Geely Geome E22H

Paralelna na «BiełDžy» rychtujuć da zapusku masavy elektramabil Geely E22H (u Kitai — Geome Xingyuan). Start vytvorčaści pryznačany na kastryčnik 2025 hoda. 

Elektramabil maje elektramator mahutnaściu 85 kVt i akumulatar na 40 kVt·h. Zajaŭleny zapas chodu — da 410 km (pa CLTC). Aŭtavytvorca abiacaje łakalizavany «zimovy pakiet» z abahravańniem łabavoha škła i poŭnuju zavodskuju rusifikacyju. Madel užo pakazała siabie na rynku KNR — za 10 miesiacaŭ było pradadziena bolš za 300 tysiač elektrakaraŭ.

Belgee S50 na mietanie i prapanie

Ź vieraśnia 2025 hoda na rynak vychodzić i Belgee S50 na mietanie. Usie vyprabavańni zavieršany, siertyfikacyja ŭ stadyi finalizacyi. Heta paŭnavartasnaja liniejku dla taksi i karparatyŭnaha siektara. U pieršuju čarhu, madyfikacyja budzie pastaŭlacca ŭ Rasiju, dzie papularnaść hazamatornaha paliva vialikaja.

Paralelna prachodziać vyprabavańni i siertyfikacyja adrazu dvuch varyjantaŭ: na mietanie i na butan-prapanie.

Kamientary da artykuła