Rasijskaha błohiera-žančynanienaviśnika zatrymali za «reabilitacyju nacyzmu»
Heta nie pieršaja kryminalnaja sprava suprać Arsena Markarana: u studzieni paviedamlałasia, što jaho padazrajuć u publičnych zaklikach da terarystyčnaj dziejnaści, piša «Ruskaja słužba Bi-bi-si».
Arsen Markaran paśla zatrymańnia. Fota: Dvač
Pierad zatrymańniem mužčyna sprabavaŭ źjechać u Biełaruś, piša rasijski telehram-kanał Dvač.
Pa infarmacyi TASS, Markarana zatrymali ŭ Maskoŭskim rehijonie i advieźli ŭ Śledčy adździeł dla dopytu. U kamientary viedamstva havorycca pra «abrazu pamiaci abaroncaŭ Ajčyny», heta adna z farmulovak artykuła 354.1 KK Rasii ab «reabilitacyi nacyzmu». Jana praduhledžvaje da piaci hadoŭ pazbaŭleńnia voli.
Pavodle źviestak telekanała RIEN TV, spravu zaviali viasnoj i tady ž abviaścili Markarana ŭ vyšuk paśla taho, jak jon apublikavaŭ rolik, źniaty na fonie Kramla.
Arsien Markaran viadomy svaimi niehatyŭnymi vykazvańniami da žančyn. Na jaho jutub-kanał padpisanyja bolš, čym 200 tysiač čałaviek — tam jon raskazvaje pra pieravahu mužčyn nad žančynami.