Siońnia — Pračystaja ŭ pravasłaŭnych
Siońnia pravasłaŭnyja śviatkujuć Ušeście (Uśpienije, Uniebaŭziaćcie) Božaj Maci. U narodzie — Pračystaja abo Spleńnie.
Spleńnie Baharodzicy. Abraz Teafana Hreka, 1392 hod, zachoŭvajecca ŭ Traćciakoŭskaj halerei ŭ Maskvie. Vyjava Wikimedia Commons
Śviata ŭźnikła ŭ IV st. na ŭšanavańnie Maci Božaj. Uniebaŭziaćcie źjaŭlajecca adnoj z hałoŭnych uračystaściaŭ i ŭ pravasłaŭnaj, i ŭ katalickaj tradycyjach.
U Biełarusi ŭ hety dzień aśviačajuć ziołki i kvietki, a taksama novy ŭradžaj (dažynkavyja snapy, sadavinu, harodninu). Bukiety aśviečanych raślinaŭ zanosiać damoŭ i vysušvajuć.
Kataliki i pravasłaŭnyja, što trymajucca novajulijanskaha kalendara, adznačali Pračystuju 15 žniŭnia.
29 žniŭnia ŭ pravasłaŭnych RPC — Arechavy (Treci) Spas. Leta zaviaršajecca.
Adna z narodnych prykmiet siońniašniaha dnia takaja: kali na Pračystuju pahodna, to babina leta budzie chaładnavatym.