U ZŠA i Hiermanii kanstatavali, što pieramoŭ pamiž Rasijaj i Ukrainaj najbližejšym časam nie budzie
Pres-słužba prezidenta ZŠA Donalda Trampa i fiederalny kancler Hiermanii Frydrych Mierc 28 žniŭnia zajavili, što Rasija i Ukraina pakul zusim nie hatovyja da pieramoŭ ab miry.
Zdymak ilustracyjny. Fota: Wolfgang Schwan / Anadolu via Getty Images
Pres-sakratarka Biełaha doma Kerałajn Livit padkreśliła, što baki nie dasiahnuli punkta, jaki dazvalaje im spynić bajavyja dziejańni. Jana adznačyła, što prezident ZŠA Donald Tramp žadaje zakančeńnia vajny, ale dla hetaha patrebnaja vola z boku kiraŭnikoŭ Rasii i Ukrainy. Livit taksama adznačyła, što Tramp uvažliva sočyć za raźvićciom padziej i zrobić dadatkovuju zajavu pa hetym pytańni paźniej.
Anałahičnuju dumku amal adnačasova vykazaŭ fiederalny kancler Hiermanii Frydrych Mierc. Jon zajaviŭ, što sustreča pamiž Pucinym i Zialenskim, pra jakuju išła razmova paśla amierykanska-rasijskaha samitu na Alascy, u najbližejšy čas nie adbudziecca. Mierc nahadaŭ, što biez naležnaj padrychtoŭki i ŭzajemnaj hatoŭnaści bakoŭ da surjoznaha dyjałohu sustreča niemahčymaja.
Hetyja zajavy prahučali paśla rasijskich udaraŭ pa Kijevie ŭ noč z 27 na 28 žniŭnia. U horadzie dvojčy abjaŭlali pavietranuju tryvohu, uźnikli pažary i smoh, častkova pierapyniŭsia transpartnaje złučeńnie. Pavodle apošnich danych Kijeŭskaj vajskovaj administracyi, u vyniku hetych udaraŭ zahinuli 19 čałaviek.
Čytajcie taksama:
U Rasii adkinuli jeŭrapiejskija prapanovy adnosna harantyj Ukrainie
Zialenski: Ukraina maje ŭłasnuju zbroju dla dalokich udaraŭ pa Rasii biez uzhadnieńnia z ZŠA
Ukrainskija ataki pa rasijskich NPZ vyvieli z ładu kala 17% mahutnaściaŭ
Vens zajaviŭ pra hatoŭnaść Pucina da «vialikich kampramisaŭ» pa Ukrainie
Tramp tak i nie ŭvioŭ sankcyi suprać Rasii i Pucina. Ci varta vieryć jaho novym pahrozam?
Łaŭroŭ: Rasija pryznaje Zialenskaha «kiraŭnikom režymu», ale pa Kanstytucyi jon nielehitymny