U Baranavičach mohuć pačać zborku rasijskich ciahnikoŭ
Rasijski «Transmašchołdynh» hatovy razharnuć zboračnuju vytvorčaść ciahnikoŭ u Biełarusi, piša sb.by. Jak raspavioŭ hienieralny dyrektar rasijskaha chołdynha Kirył Lipa, jość zapyt biełaruskaha ŭrada na stvareńnie łakalizavanych pradpryjemstvaŭ i «Transmašchołdynh» aceńvaje mahčymaści takoha prajekta ŭ Biełarusi.
— Usie našy rasijskija placoŭki pierahružanyja. Tamu my hatovyja łakalizavać svaju vytvorčaść u Biełarusi. U pryvatnaści, razhladajem dla hetaha infrastrukturu depo ŭ Baranavičach. Vynikovaje rašeńnie budzie zaležać ad dvuch rečaŭ: ad zakazaŭ z boku klučavych pakupnikoŭ u Biełarusi i finansavych mahčymaściaŭ. Jak tolki atrymajem kankretnyja zajaŭki, adrazu razhorniem zboračnuju vytvorčaść, — paabiacaŭ jon.
Lipa dadaŭ, što «Transmašchołdynh» aceńvaje biełaruski rynak jak vielmi važny. Heta paćviardžaje i kantrakt ź Minskim mietrapalitenam, jakomu pastaŭlajucca vahony dla Zielenałužskaj linii mietro.
Da ciapierašniaha času adhružana 28 vahonaŭ. Da kanca hoda minskaje mietro atrymaje jašče 20.