«Minskaja praŭda» apublikavała pres-reliz Abjadnanaha pierachodnaha kabinieta i pachvaliła jaho pracu
Dziŭnaja navina źjaviłasia ŭ telehram-kanale bujnoha dziaržaŭnaha prapahandysckaha vydańnia «Minskaja praŭda» — tam pachvalili pracu demakratyčnych siłaŭ Biełarusi, jakija damahlisia dadatkovych ekzamienaŭ pa polskaj movie (B2) dla zamiežnych studentaŭ da kanca 2025 hoda. Navina pravisieła niejki čas, ale była vydalenaja, zaŭvažyŭ Reform.news.
«Rašeńnie pryniata paśla sustrečy delehacyi Biełarusi z MZS Polščy», — adrapartavali prapahandysty.
Jak zaŭvažyła «Lusterka», spačatku ŭ publikacyi naohuł było napisana «delehacyja demakratyčnych sił Biełarusi».
Vidavočna, niechta ŭ redakcyi «Minskaj praŭdy» nie zmoh adrazu adroźnić «padstupny ekstremizm uciekačoŭ» ad dapamohi maładym biełarusam u pastupleńni ŭ polskija VNU.
Delehacyja demakratyčnych siłaŭ Biełarusi na čale z pradstaŭnikom pa nacyjanalnym adradžeńni Abjadnanaha pierachodnaha kabinieta Paŭłam Barkoŭskim i śpikieram Kaardynacyjnaj rady Arciomam Bruchanom praviała sustreču z dyrektarkaj konsulskaha departamienta MZS Polščy Juścinaj Chžanoŭskaj i supracoŭnikami departamienta.
Na sustrečy abmiarkoŭvalisia pytańni biełaruskich studentaŭ u Polščy: umovy pastupleńnia ŭ suviazi z uviadzieńniem moŭnaj siertyfikacyi na ŭzroŭni B2 i vizavaja padtrymka.