Na svajo piacihodździe «Kibierpartyzany» ŭzłamali sajt BMZ
5 vieraśnia 2025 hoda, da piacihodździa pačatku svajoj dziejnaści, chakierskaja hrupa «Kibierpartyzany» ŭzłamała aficyjny sajt Biełaruskaha mietałurhičnaha zavoda (BMZ). Na hałoŭnaj staroncy sajta źjavilisia fatahrafii z pratestaŭ 2020 hoda ŭ roznych haradach Biełarusi, bieł-čyrvona-biełyja ściahi i emblema abjadnańnia.
Biełaruski mietałurhičny zavod znachodzicca pad sankcyjami Jeŭrasajuza za suviazi z režymam Łukašenki i za represii suprać hramadzianskaj supolnaści. Taksama zavod trapiŭ pad sankcyi za vytvorčaść artyleryjskich snaradaŭ kalibraŭ 122 i 152 mm, jakija vykarystoŭvajucca ŭ rasijskich reaktyŭnych sistemach załpavaha ahniu «Hrad» pry abstrełach Ukrainy. Pavodle danych arhanizacyi «Biełpoł», BMZ pastaŭlaje mietał u Rasiju, ź jakoha vyrablajuć rakiety dla vajny suprać Ukrainy.
Pradstaŭniki «Kibierpartyzanaŭ» nazvali ŭzłom «padarunkam» zavodu da svajho jubileju. Ciapier sajt pradpryjemstva zastajecca niedastupnym, a ŭlikovy zapis byŭ adklučany administrataram sierviera.
Čytajcie taksama:
U Žłobinie zaŭvažyli, što z kominaŭ BMZ redka idzie dym
Na BMZ abvierhli infarmacyju pra skaračeńnie rabotnikaŭ, ale pryznali prablemy
Na BMZ rabotnikaŭ niekatorych cechaŭ stali adpraŭlać u adpačynki za svoj košt