40-hadovaha biełarusa, jakoha vyšukvajuć u Francyi, zatrymali ŭ Varšavie
U Varšavie zatrymany 40-hadovy hramadzianin Biełarusi. Pa rašeńni suda francuzskaha Marsiela na biełarusa byŭ vydadzieny jeŭrapiejski ordar na aryšt, piša Reform.news.
Fota: palicyja Varšavy
U varšaŭskaj palicyi paviedamili, što zatrymany źviazany sa złačynnaj hrupoŭkaj, jakaja zajmajecca niezakonnym abarotam narkotykaŭ, ahniastrelnaj zbroi i admyvańniem hrošaj. U pres-relizie jaho nazyvajuć handlarom zbrojaj.
Zatrymańnie adbyłosia ŭ čaćvier na minułym tydni. Mužčyna znachodziŭsia ŭ elitnym žyłym domie ŭ centry horada. U apieracyi ŭdzielničali supracoŭniki antyterarystyčnaha padraździaleńnia.
Razam z hramadzianinam Biełarusi byli zatrymanyja troje hramadzian Ukrainy, jakija dapamahali jamu chavacca.
Čakajecca, što biełarusa ekstradujuć u Francyju.