Mužčyna tak razvodziŭsia z žonkaj, što adrazu paśla pasiadžeńnia zarabiŭ kryminałku
Minčuku nie spadabałasia, što žonka pakinuła sabie jaho proźvišča.
Incydent adbyŭsia ŭ dzień razvodu. Paśla sudovaha pasiadžeńnia mužčyna pasvaryŭsia z byłoj žonkaj, bo taja vyrašyła pakinuć jaho proźvišča. U chodzie kanfliktu jon vychapiŭ u jaje pašpart i razarvaŭ jaho, paśla čaho syšoŭ.
Žančyna źviarnułasia ŭ milicyju. Suprać 32-hadovaha mužčyny zaviali kryminalnuju spravu pavodle artykuła 378 Kryminalnaha kodeksa — kradziež i źniščeńnie pašparta. Maksimalnaje pakarańnie pa hetym artykule — dva hady pazbaŭleńnia voli.