U budynak urada ŭ Kijevie trapiŭ nie dron, a «Iskander»
Vydańnie Defense Express sa spasyłkaj na krynicy śćviardžaje, što traplańnie ŭ budynak ukrainskaha ŭrada ŭ Kijevie — vynik vykarystańnia nie drona, a rakiety «Iskander». Bajavaja častka rakiety vahoj 450 kiłahramaŭ nie vybuchnuła. Pažar na vierchnich pavierchach budynka byŭ vyklikany zaharańniem paliva z bakaŭ rakiety, piša vydańnie.
Fota: facebook.com/kmathernova
Pra toje, što ŭ budynak Kabinieta ministraŭ trapiŭ «Iskander», piša ŭ fejsbuku i ambasadarka ES va Ukrainie Kataryna Maternova, jakaja razam ź inšymi dypłamatami naviedała paškodžany budynak.
«Nam pakazali vialikija abłomki samoj rakiety», — napisała jeŭradypłamatka.
Fota: facebook.com/kmathernova
U rasijskim Minabarony nie paćviardžali ataku pa Kabiniecie ministraŭ. U viedamstvie śćviardžajuć, što celilisia tolki pa vajskovych abjektach i pramysłovych pradpryjemstvach.
Fota: facebook.com/kmathernova
Jak raniej paviedamlała pres-słužba Pavietranych sił USU, u noč na 7 vieraśnia rasijskaja armija zapuściła 9 kryłatych rakiet z ATRK «Iskander», ź jakich čatyry ŭdałosia źbić.
Čytajcie taksama:
Kiełah pra ataku na Kijeŭ: Heta nie sihnał, što Rasija choča dypłamatyčnym šlacham skončyć vajnu
Nočču Rasija masiravana ŭdaryła pa Kijevie: zahareŭsia ŭradavy budynak
«Siońniašni ŭdar pa Kijevie — heta novy pavarot u rasijskich atakach pa Ukrainie»