Paplečnik Statkieviča raskazaŭ pra karotkuju razmovu ź im u niejtralnaj zonie

Litoŭskija žurnalisty raspytali ŭ kiraŭnika partyi «Narodnaja Hramada» na emihracyi Jaŭhiena Vilskaha, jak prajšła jahonaja razmova ŭ niejtralnaj zonie ź lidaram hetaj arhanizacyi Mikołam Statkievičam, jaki ŭ znak pratestu suprać prymusovaj departacyi viarnuŭsia nazad u Biełaruś. 

Jaŭhien Vilski. Skrynšot ź videa

Jak śćviardžaje Jaŭhien Vilski, razmova praciahvałasia vielmi karotki čas, kala 5 chvilin. 

Za hety čas jon sprabavaŭ uhavaryć palityka ŭsio ž taki pierajści ŭ Litvu, kažučy, što jaho tam čakajuć, ale hetaha zrabić nie ŭdałosia. 

Padčas razmovy Vilskaha i Statkieviča

Pa słovach Vilskaha, Statkievič nastrojeny vielmi rašuča, jon razumieje svaju rolu i hatovy adyhrać jaje da kanca. Vyjści jon źbirajecca tolki tady, kali Biełaruś budzie volnaja ad ułady Łukašenki, a ciapier choča znachodzicca sa svaim narodam u lubych umovach. 

Fizična 69-hadovy palityk vyhladaje źniasilena, vielmi chudy, ale ducham badziory i ŭśmichajecca, jaho nie złamali.

Biełarusam jon prasiŭ pieradać, kab trymalisia i zmahalisia.

Kamientary da artykuła