Vizavy centr Ispanii ŭ Maskvie, jakim karystalisia mnohija biełarusy, spyniŭ pryjom dakumientaŭ
Pryčynaj prypynieńnia pryjomu zajaŭ i vydačy viz nazyvajucca techničnyja pryčyny.
Tryumfalnaja arka ŭ Barsiełonie. Fota: Wikimedia Commons
Pry pierachodzie na staronku Hienieralnaaha konsulstva Ispanii ŭ Maskvie, haściej sustrakaje paviedamleńnie, jakoje paviedamlaje, što vizy bolš nie vydajuć. Pra heta piša vydańnie «Točka».
Asabliva niepryjemnym siurpryzam paviedamleńnie stała dla tych, chto ŭžo čakaje svoj «šenhien». Hienieralnaje konsulstva Ispanii ŭ Maskvie vybirali mnohija biełarusy, kab atrymać šenhienskuju vizu.
«Pavažanyja zajaŭniki! Źviartajem vašu ŭvahu, što pa techničnych pryčynach Hienieralnaje konsulstva Ispanii ŭ Maskvie nie budzie prymać zajavy da nastupnaha paviedamleńnia. Prynosim prabačeńni za dastaŭlenyja niazručnaści», — havorycca ŭ paviedamleńni.
Dakładna nieviadoma, što stała pryčynaj takoha rašeńnia dyppradstaŭnictva. Mnohija źviazvajuć heta z tym, što ŭ novym pakiecie sankcyj ES maje namier uzmacnić svaju vizavuju palityku ŭ dačynieńni da hramadzian Rasii.