U polskim rejestry «niepažadanych asob» bolš za 31 tysiača čałaviek. Lik biełarusaŭ taksama idzie na tysiačy
U Polščy isnuje vialikaja prablema z departacyjaj inšaziemcaŭ, jakija parušyli zakon ci znachodziacca ŭ krainie niezakonna. U aficyjnym rejestry ŭžo bolš za 31 tysiaču asobaŭ, pryznanych niepažadanymi, ale realna departujuć tolki nievialiki pracent ź ich. Z pačatku 2025 hoda prymusova vyvieźli kala 1100 čałaviek, heta stolki ž, kolki za ŭvieś minuły hod, piša vydańnie Rzeczpospolita.
U śpis na departacyju traplajuć ludzi, jakija:
- ujechali ŭ Polšču niezakonna abo biez patrebnych dakumientaŭ;
- byli asudžanyja na termin ad adnaho hoda i bolš za naŭmysnyja złačynstvy;
- pracavali nielehalna;
- užo mieli zabaronu na ŭjezd u krainy Šenhienu;
- znachodziacca pad mižnarodnymi sankcyjami (naprykład, za padtrymku rasijskaj ahresii suprać Ukrainy);
- trapili pad niehałosnyja rašeńni śpiecsłužbaŭ jak patencyjna niebiaśpiečnyja.
Najbolšuju častku takich ludziej składajuć hramadzianie Ukrainy (5,9 tysiačy), Hruzii (4,2 tysiačy), Siryi (2,5 tysiačy), Afhanistana (2,4 tysiačy), Biełarusi (2,2 tysiačy) i Rasii (1,9 tysiačy). Značnaja kolkaść ź ich užo maje sudzimaści.
Byłyja supracoŭniki śpiecsłužbaŭ adznačajuć, što ciapier ułady tolki likvidujuć nastupstvy minułych hadoŭ, kali ŭ Polšču masava traplali inšaziemcy praz «vizavy handal» ci jak uciekačy z Ukrainy paśla rasijskaha napadu. Častka hetych ludziej uciahnułasia ŭ kryminalnuju dziejnaść. Asabliva vydzialajuć hruzinskija złačynnyja hrupoŭki.
Pry hetym realnych departacyj u Polščy ŭsio adno značna mienš, čym asobaŭ, jakija ŭklučajucca ŭ śpis. Častka ź ich pavinna vyjechać samastojna, ale mnohija ihnarujuć rašeńni. Prymusovaje ž vydaleńnie patrabuje vialikich vydatkaŭ i ŭdziełu śpiecsłužbaŭ, tamu časta adkładajecca.
Byłyja vysokapastaŭlenyja polskija siłaviki padkreślivajuć, što kab być efiektyŭnymi, departacyi musiać być sistematyčnymi, a nie tolki pakazalnymi akcyjami. Jany ličać, što Polšča i ŭsia Jeŭropa pavinny dziejničać žorstka, kab praduchilić rost złačynnaści siarod mihrantaŭ.
Taksama hučać prapanovy adsyłać zamiežnych złačyncaŭ adbyvać pakarańnie ŭ ich ułasnyja krainy, kab nie ŭtrymlivać ich u polskich turmach za košt miascovych padatkapłacielščykaŭ.
U Gazeta Wyborcza źjaviŭsia zvarot palakaŭ da Tuska, u jakim rezka asudžajucca departacyi paśla kancerta Karža
U Polščy ŭ dziasiatkach haradoŭ prajšli demanstracyi suprać mihracyi
«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju
Biełarusa, jaki napaŭ na Paŭła Łatušku, užo departavali z Polščy ŭ Biełaruś
Ciapier čytajuć
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ15
Kamientary