Zialenski: Najbolš efiektyŭnyja sankcyi — heta ahoń na rasijskich naftapierapracoŭčych zavodach, terminałach, naftabazach
Prezident Ukrainy Uładzimir Zialenski ŭ viačernim videazvarocie vykazaŭ padziaku vajskoŭcam za parazu rasijskich abjektaŭ naftahazavaj infrastruktury.
Fota: Jonathan Raa / NurPhoto via Getty Images
«Chaču siońnia asabliva padziakavać usim našym voinam, jakija nanosiać Rasii sapraŭdy značnyja straty. Straty na froncie. Straty na pamiežžy. Straty na ŭłasnaj terytoryi Rasii dziakujučy našym dalnabojnym udaram. Najbolš efiektyŭnyja sankcyi — sankcyi, jakija dziejničajuć chutčej za ŭsio, — heta ahoń na rasijskich naftapierapracoŭčych zavodach, na ich terminałach, naftabazach. Značna abmiežavali rasijskuju naftavuju halinu — i heta značna abmiažoŭvaje vajnu», — zajaviŭ Zialenski.
Ukrainskija bieśpiłotniki ŭ niadzielu nanieśli ŭdar pa adnym z najbujniejšych u Rasii Kiryšskim naftapierapracoŭčym zavodzie ŭ Leninhradskaj vobłaści.