Kiełah pierakazaŭ razmovu z Trampam ab šancach Rasii na pieramohu nad Ukrainaj
Tramp tady spytaŭ, ci pieramahaje Rasija.
Fota: Andrew Harnik / Getty Images
Śpiecpradstaŭnik amierykanskaha prezidenta hienierał Kit Kiełah pierakazaŭ razmovu z Donaldam Trampam ab rasijska-ukrainskim kanflikcie. Kiełah vystupiŭ na ŭkrainskim forumie Yalta European Strategy (YES), piša RBK.
Razmova adbyłasia ŭ žniŭni. Tramp tady spytaŭ, ci pieramahaje Rasija. Kiełah raskazaŭ, što pačaŭ adkazvać, ale zatym pieranakiravaŭ pytańnie staršyni Abjadnanaha kamiteta načalnikaŭ štaboŭ Denu Kiejnu. «Den adkazaŭ toje ž samaje.
«Jany pieramahajuć?» — «Nie, jany nie pieramahajuć»» — pierakazaŭ Kiełoh razmovu ŭ Biełym domie.
Jon udakładniŭ, što razmova adbyłasia kala šaści tydniaŭ tamu, heta značyć, da samitu Trampa i rasijskaha prezidenta Uładzimira Pucina na Alascy 15 žniŭnia.
Kali b Rasija pieramahała ŭ vajennym kanflikcie, to jaje vojski ŭžo byli b u Kijevie, na zachad ad Dniapra i ŭ Adesie, upeŭnieny Kiełah. Pavodle mierkavańnia śpiecpradstaŭnika, prasoŭvańnia rasijskich vojskaŭ na Danbasie niedastatkova, kab kazać pra pieramohu.