Łatvija pakul nie źbirajecca zakryvać miažu ź Biełaruśsiu

Łatvija pakul nie bačyć nieabchodnaści ŭ poŭnym zakryćci miežaŭ ź Biełaruśsiu i Rasijaj. Pra heta paviedamiła pres-słužba Siejma Łatvii paśla pasiadžeńnia Kamiteta pa nacyjanalnaj biaśpiecy.

Fota ilustracyjnaje

15 vieraśnia kamitet razhladaŭ prajekt rašeńnia ab poŭnym zakryćci miežaŭ z Rasijaj i Biełaruśsiu ŭ suviazi z vajskovymi vučeńniami «Zachad-2025». Pa vynikach abmierkavańnia było vyrašana nie pieradavać prajekt na dalejšy razhlad u Siejm.

U kamitecie adznačyli, što adpaviednyja słužby hatovyja da nieadkładnych dziejańniaŭ, kali ŭźniknie nieabchodnaść. Adnak z ulikam sučasnaha ŭzroŭniu vajennaj pahrozy poŭnaje i imhniennaje zakryćcio miažy ciapier ličycca niepatrebnym.

Akramia taho, kamitet padkreśliŭ, što dziejańni Łatvii ŭ pytańniach biaśpieki ŭschodniaj miažy pavinny być rašučymi i kaardynavacca z najbližejšymi sajuźnikami — Litvoj i Estonijaj.

Kamientary da artykuła