Rasijaninu Daniłu Bahrovu dali dzieviać hadoŭ kałonii pa spravie ab sprobie vajavać za Ukrainu
Paŭdniovy vajskovy sud pryhavaryŭ žychara Pieciarburha Daniła Bahrova da dzieviaci hadoŭ pazbaŭleńnia voli pavodle artykuła KK RF ab padrychtoŭcy da dziaržaŭnaj zdrady i padrychtoŭcy da ŭdziełu ŭ terarystyčnaj arhanizacyi, piša «Miedyjazona».
Asudžany Daniła Bahroŭ — poŭny ciozka hieroja Siarhieja Badrova-małodšaha Daniły Bahrova ź filmaŭ Alaksieja Bałabanava «Brat» i «Brat-2». Kadr ź filma
Pavodle viersii śledstva, u žniŭni 2024 hoda Bahroŭ, vystupajučy suprać vajny va Ukrainie, pačaŭ pierapisku z pradstaŭnikom «Ruskaha dobraachvotnickaha korpusa», jaki abvieščany ŭ Rasii terarystyčnaj arhanizacyjaj i zabaronieny. Pieciarburžac, jak ličyć śledstva, źbiraŭsia ŭstupić u vajskovaje farmavańnie i vajavać suprać Rasii.
Jak śćviardžajuć siłaviki, Bahroŭ nabyŭ kvitki ŭ Hruziju, kab adtul trapić va Ukrainu, adnak byŭ zatrymany ŭ aeraporcie. U jakim mienavita i kali — nie ŭdakładniajecca.