Muzyka Dzivia paśla doŭhaha pierapynku zapisaŭ trek «Try iskry»
Muzyka Dzivia viarnuŭsia da słuchačoŭ paśla pierapynku ažno ŭ 4+ hady i ciapier, nie chavajučy śloz, možna słuchać na paŭtory historyju pra stvareńnie śvietu — trek «Try iskry», zapisany sumiesna z hałandskim śpievakom Gealdýr, jaki tak prasiaknuŭsia muzykaj Artura Maćviejenki, što ažno zaśpiavaŭ pa-biełarusku.
Siužet pra stvareńnie adnolkavy ŭsiudy, ad Kalevały da Byćcia — prosta tyja, kamu dadziena była hetaja ŭjava, padabrali dla jaho apisańni roznyja słovy.
U biełaruskaj viersii, kažuć, Piarun biŭsia ź Vialesam i vysiek z kamienia pasiarod mora try iskry — i naradziłasia žyćcio, jakoje ŭzrušyła vody, uźniało ziamlu i paklikała da žyćcia ahoń i viecier.
Gealdýr, jaki śpiavaje sumiesna z Dzivia — prajekt hałandskaha muzyki Džonatana Barendsmy, jaki stvaraje muzyku ŭ styli nardyčny fołk/dark-fołk, natchniony skandynaŭskaj i kielckaj mifałohijaj.