Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi?
Ranicaj 28 lipienia pralacieŭ nad Vilniaj, a paśla ŭpaŭ na vajskovym palihonie ŭ Janaŭskim rajonie rasijski bieśpiłotnik typu «Hierbiera» z dvuma kiłahramami vybuchoŭki. Pavodle krynic vydańnia Delfi, hety dron byŭ zapuščany z terytoryi Biełarusi.
Znojdzieny na Hajžunskim palihonie dron. Fota: fejsbuk ministarki abarony Litvy Davile Šakalenie
Jak paviedamlajuć krynicy Delfi, zapusk drona byŭ śpiecyjalna spłanavanaj apieracyjaj. Jaje meta — nie tolki pravieryć mahčymaści pavietranaj abarony Litvy, ale i akazać psichałahičny ŭpłyŭ na nasielnictva.
Dron lacieŭ nad Vilniaj na vyšyni, jakaja dazvalała abyjści radyjołakacyjnyja sistemy.
Na miescy padzieńnia bieśpiłotnika na Hajžunskim palihonie ŭ Janaŭskim rajonie byli znojdzienyja, akramia dvuch kiłahramaŭ vybuchoŭki, sučasny bartavy kampjutar i prynamsi adna SIM-karta.
Čytajcie taksama:
U dronie, jaki zalacieŭ ź Biełarusi ŭ Litvu, było vybuchovaje prystasavańnie
Prylot drona ź Biełarusi ŭ Litvu rasśledujuć jak epizod vajennych złačynstvaŭ
Litva nakiravała Biełarusi notu pratestu z-za incydentu z dronam