Mietro, novyja darohi i žyllo: zaćvierdzili novy płan raźvićcia minskich Šabanoŭ
Minharvykankam zaćvierdziŭ horadabudaŭničy prajekt raźvićcia terytoryi staličnaha mikrarajona Šabany. Na aficyjna apublikavany dakumient źviarnuŭ uvahu «Sputnik».
Fota: Onliner.by
Šabany — dastatkova prablemny z punktu hledžańnia transpartnaj dastupnaści, ekałohii i infrastruktury rajon horada. Ciapier, zdajecca, jaho čakajuć pieramieny da lepšaha.
Tam źjaviacca novyja darohi i raźviazki, pačniecca budaŭnictva žylla, a hałoŭnaje — narešcie pabudujuć stancyju mietro «Šabany».
Adzin z asnoŭnych zapłanavanych prajektaŭ — budaŭnictva bujnoha hramadska-handlovaha centra na skryžavańni Partyzanskaha praśpiekta i vuł. Sielickaha, to bok praktyčna na vyjeździe z horada.
Dla zručnaści padjezdu da HC Green zamiest śviatłaforaŭ zrobiać raźviazku ź biestarmaznym rucham. Źjavicca niekalki novych vulic, a taksama jašče adna raźviazka nad čyhunkaj, jakaja złučyć vuł. Sialickaha z vuł. Śvisłackaj, što pamienšyć trafik hruzavikoŭ praz Šabany.
A jašče ŭ mikrarajonie płanujecca znos niekalkich pramysłovych budynkaŭ, kab vyzvalić miesca pad žyłyja kompleksy «šmatpaviarchovaj vysokaščylnaj zabudovy».