Siońnia dla kiroŭcaŭ biaspłatny prajezd u hramadskim transparcie
Ekałahičnaja akcyja «Dzień biez aŭtamabila» projdzie siońnia ŭ Biełarusi, paviedamlaje BiełTA.
Akcyja zaviaršaje Tydzień mabilnaści. Va ŭsich abłasnych i 33 rajonnych centrach krainy kiroŭcam, jakija pakinuli aŭtamabil doma, budzie biaspłatny prajezd u hramadskim transparcie pry pakazie paśviedčańnia i paśviedčańnia ab rehistracyi transpartnaha srodku.
Asnoŭnaj placoŭkaj śviatkavańnia z 15:00 da 19:00 stanie Pałac sportu, dzie projdzie vialikaja kolkaść mierapryjemstvaŭ, u tym liku kancertna-zabaŭlalnaja prahrama. Možna budzie navučycca kiravać elektrasamakatam, jeździć na monakole, nabyć roznaha rodu ekatavary i pradukty.
Taksama možna budzie zastrachavać svoj transpartny srodak piersanalnaj mabilnaści.
Akramia taho, tam budzie prademanstravana rabota prajektaŭ «Zialonyja škoły», «Zialonyja kłasy biełaruskaj stalicy», projduć viktaryny, kvesty i zabavy na luby hust i ŭzrost.