U zatrymanaha ŭ Polščy taksista-špijona znajšli śpis biełarusaŭ, za jakimi jon mieŭ zadańnie sačyć
U Polščy niadaŭna zatrymali pa padazreńni ŭ špijanažy biełarusa Uładzisłava Nadziejku, jaki pracavaŭ taksistam u Biełastoku. U jaho, jak paviedamlaje RMF24, znajšli śpis biełarusaŭ, što atrymali prytułak u Polščy
Zatrymany Uładzisłaŭ Nadziejka. Fota ź jaho vydalenaj staronki ŭ Adnakłaśnikach
Jak paviedamlajecca, mužčyna pavinien byŭ sačyć za pieraličanymi ŭ śpisie asobami pa zadańni biełaruskich śpiecsłužbaŭ i pieradavać sabranuju infarmacyju ŭ KDB.
Polskaje Ahientstva ŭnutranaj biaśpieki (ABW) ciapier vyśviatlaje, ci ździajśniaŭ mužčyna jakija-niebudź pravakacyi abo inšyja dziejańni, zdolnyja skampramietavać hetych ludziej. Tych, čyje imiony trapili ŭ śpis, vyklikajuć na dopyty: pytajucca, ci sutykalisia jany z pahrozami, šantažom abo ci zaŭvažali za saboj nazirańnie.
33‑hadovy Uładzisłaŭ Nadziejka byŭ raniej udzielnikam Biełastockaj charuhvy «Paspalitaha rušeńnia».
Čytajcie taksama:
Paśla aryštu taksista-špijona polskija śpiecsłužby masava ciahajuć biełarusaŭ na dopyty
Zatrymany ŭ Polščy biełaruski taksist-špijon byŭ siabram «Paspalitaha rušeńnia»