Biełaruś moža adpravić u kosmas jašče adnu kasmanaŭtku
«Raskosmas» abmiarkoŭvaje ź biełaruskimi bokam mahčymaść adpraŭki ŭ kosmas druhoj kasmanaŭtki ad Biełarusi Anastasii Lankovaj.
Siońnia ŭ Minsku adbyłasia sustreča kiraŭnika «Raskosmasu» Dźmitryja Bakanava i staršyni prezidyuma NAN Biełarusi Uładzimira Karanika, piša Sputnik.
«Maryna Vitaljeŭna [Vasileŭskaja] była pieršaj žančynaj-kasmanaŭtam ź Biełarusi… Ciapier abmiarkoŭvajem pytańnie pa Anastasii Lankovaj», — skazaŭ Bakanaŭ žurnalistam.
Jon zaznačyŭ, što nieabchodna vyrašyć šerah momantaŭ.
«Kali jany [biełaruski bok] vyrašacca, budzie druhaja žančyna kasmanaŭt», — skazaŭ kiraŭnik «Raskosmasu».
Bakanaŭ zajaviŭ, što heta «vielmi važna ŭ ramkach Sajuznaj Dziaržavy».