Pobač z Kalininhradskaj vobłaściu pierastaŭ pracavać GPS na borcie ministra abarony Ispanii, jaki lacieŭ u Litvu
U vajennaha borta z Marharytaj Robles na šlachu ŭ Litvu pry pralocie kala Kalininhradskaj vobłaści fiksavali «parušeńni i pieraškody GPS».
Marharyta Robles. Fota: Carlos Lujan/Europa Press via Getty Images
Samalot praciahnuŭ palot u štatnym režymie — na im abaronienyja navihacyjnyja sistemy, i takija pieraškody «zvyčajnyja» dla hetaha maršrutu, paviedamlaje Reuters.com.
Udakładniajecca, što bort byŭ Airbus A330. Pieraškody ŭźnikli prykładna na vyšyni 40 000 futaŭ (13 km) u 50—60 km ad miažy Kalininhradskaj vobłaści. U Ministerstvie abarony Ispanii padkreślivajuć, što padobnyja sproby zdarajucca ŭ hetym rajonie i na hramadzianskich rejsach; upłyvu na biaśpieku palotu nie było.
Ispanskija ŚMI ŭdakładniajuć, što pakolki bort vykarystoŭvaje vajennyja/šyfravanyja kanały navihacyi, kamandzir acaniŭ padzieju jak zvykłuju dla zony Kalininhrada. Samalot pryziamliŭsia bieź incydentaŭ u Šaŭlai.