U BRSM pastavili novaha lidara
Na źjeździe Biełaruskaha respublikanskaha sajuza moładzi novym pieršym sakratarom Centralnaha kamiteta arhanizacyi abrali Uładzimira Paŭłoŭskaha, paviedamlaje BiełTA.
Uładzimir Paŭłoŭski
Uładzimiru Paŭłoŭskamu 31 hod, jon rodam ź vioski Malki Horackaha rajona. Vučyŭsia na fizika ŭ Mahiloŭskim dziaržaŭnym ŭniviersitecie imia Arkadzia Kulašova, a paśla na markietołaha ŭ Biełaruskaj sielskahaspadarčaj akademii ŭ Horkach.
Pracavaŭ nastaŭnikam fiziki i matematyki ŭ škołach u Mahilovie i Horkach, byŭ pieršym sakratarom Horackaha rajkama i Mahiloŭskaha abkama pa BRSM. Taksama byŭ namieśnikam hienieralnaha dyrektara pa ideałahičnaj rabocie Mahiloŭskaha miasakambinata, a ŭ 2024 hodzie pryznačany deputatam Pałaty pradstaŭnikoŭ.
Źjaŭlajecca členam butaforskaj Respublikanskaj partyi pracy i spraviadlivaści.
Miesca kiraŭnika BRSM stała vakantnym paśla taho, jak papiaredni lidar Alaksandr Łukjanaŭ byŭ pryznačany načalnikam hałoŭnaha ŭpraŭleńnia ideałahičnaj raboty i pa spravach moładzi Minharvykankama. Hetuju pasadu raniej zajmała Volha Čamadanava, jakaja, u svaju čarhu, pajšła kiravać asnoŭnaj praŭładnaj partyjaj «Biełaja Ruś».
Čytajcie taksama:
Kiraŭnik BRSM staŭ hałoŭnym ideołaham Minska
Kanapackaja prysutničała na sustrečy Łukašenki ź ideałahičnym aktyvam
Kala Łukašenki znoŭ źjaviŭsia Usievaład Jančeŭski i paabiacaŭ pierazahruzku PVT
«Mis Biełaruś» usio bolš nahadvaje konkurs pryhažości ŭ haremie