Dla biełaruskaha rubla prydumajuć novy hrafičny znak

Nacyjanalny bank Biełarusi abviaściŭ konkurs na stvareńnie novaha hrafičnaha znaka dla biełaruskaha rubla. Šukajuć aryhinalny i lohka paznavalny simvał, anałahičny tym, što majuć dołar ($), jeŭra (€), funt (£) ci rasijski rubiel (₽).

Fota ilustracyjnaje

U Biełarusi ŭžo kala 20 hadoŭ vykarystoŭvajuć abaznačeńnie Br, ale, jak havoryć namieśnik staršyni praŭleńnia Nacbanka Andrej Kartun, hety znak pa sutnaści tak i nie pryžyŭsia. Pryčynaj hetaha moža być składanaść jaho vykarystańnia abo adsutnaść ustojlivaj asacyjacyi mienavita z nacyjanalnaj valutaj.

Tamu Nacbank vyrašyŭ abviaścić konkurs na stvareńnie novaha znaka. Pavodle ŭmoŭ, treba prapanavać adzinkavy simvał — prosty, zrazumieły dla mižnarodnaj supolnaści i źviazany mienavita ź biełaruskim rublom.

Udzielničać u konkursie mohuć usie žychary Biełarusi, jak indyvidualna, tak i kalektyŭna. Padać svaje prapanovy (z apisańniem i malunkam) treba da 7 listapada 2025 hoda na adras grafznak@nbrb.by z paznakaj «Hrafičny znak». Pieramožca atrymaje pryz u pamiery 3000 rubloŭ.

Najlepšyja raboty adbiare kamisija, paśla čaho ź piaci finalistaŭ biełarusy zmohuć vybrać pieramožcu praz adkrytaje hałasavańnie na sajcie Nacbanka. Hołasavańnie adbudziecca z 17 pa 28 listapada, a vyniki padviaduć da 31 śniežnia 2025 hoda.

Kamientary da artykuła