Hałoŭčanka zajaviŭ pra nieabchodnaść sinchranizacyi palityki Nacbanka z palitykaj rasijskaha Centrabanka
Staršynia praŭleńnia Nacyjanalnaha banka Biełarusi Raman Hałoŭčanka padčas pajezdki va Ufu na 62‑je pasiadžeńnie Mižbankaŭskaj valutnaj rady padkreśliŭ, što palityka Nacbanka Biełarusi i Centrabanka Rasii pavinna być sinchranizavanaj. Pra heta paviedamlaje pres-słužba Nacbanka.
Hałoŭčanka adznačyŭ, što na finansavuju sistemu Biełarusi i Rasii istotna cisnuć «niedružalubnyja krainy», a asabliva heta adčuvajecca ŭ bankaŭskaj i finansavaj śfiery. Tamu važna nie tolki supraćstajać sankcyjam, ale i budavać sistemu, jakaja pracuje na raźvićcio ekanomiki i zabiaśpiečvaje jaje nieabchodnymi resursami.
Pa słovach Hałoŭčanki, biełarusam i rasijanam nieabchodna abmieńvacca vopytam, rašeńniami i novymi padychodami, pierajmajučy lepšaje adzin u adnaho. Jon padkreśliŭ, što Biełaruś hatovaja dzialicca svaimi raspracoŭkami i prymać karysnyja praktyki ad rasijskich kalehaŭ.
Asobnaja ŭvaha była nadadziena raźvićciu ličbavych finansavych aktyvaŭ i ličbavych valut, što, pavodle Hałoŭčanki, źjaŭlajecca naturalnym etapam evalucyi finansavaj sistemy ŭ suviazi z technałahičnym prahresam.
Na sustrečy Raman Hałoŭčanka i kiraŭnica Centrabanka Rasii Elvira Nabiulina padpisali «Pałažeńnie ab sumiesnaj nahladnaj kalehii», jakaja budzie kaardynavać supracu i abmien infarmacyjaj (u tym liku kanfidencyjnaj) u śfiery kantrolu za finansavym rynkam.
Hałoŭčanka raskazaŭ pra mahčymyja źmieny ŭ pryjomie dalaraŭ
U Biełarusi raście zapazyčanaść nasielnictva pa bankaŭskich kredytach
Łukašenka: Kałaŭra my nie pakryŭdzili
Hałoŭčanka: Pryčyn dla pavyšeńnia staŭki refinansavańnia niama
Hałoŭčanka vypuściŭ pieršuju biełaruskuju załatuju manietu z «biełaruskaj syraviny»
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary