Na vybarach u Čechii paśla padliku 70% hałasoŭ upeŭniena lidziruje apazicyja
U Čechii padličyli bolš za 70% hałasoŭ na parłamienckich vybarach, jakija adbyvalisia dva dni — 3 i 4 kastryčnika. Lidziruje partyja byłoha premjer-ministra Andreja Babiša ANO, jakaja atrymlivaje kala 37% padtrymki, piša «Jeŭrapiejskaja praŭda».
Na druhim miescy znachodzicca pravacentryscki błok «Razam», jaki ciapier znachodzicca pry ŭładzie, z vynikam kala 21%. Dalej iduć STAN («Mery i niezaležnyja») — 10,7%, pravapapulisckaja partyja «Svaboda i pramaja demakratyja» (SPD) — 8,2%, Pirackaja partyja — 8% i «Aŭtamabilisty» — 7%. Levapapulisckaja partyja «Chopić!» (Stačilo!) pakul maje 4,5% i moža nie prajści piacipracentny barjer.
Niahledziačy na ŭpeŭnienuju pieramohu, Andreju Babišu budzie ciažka stvaryć urad bolšaści. Prezident Čechii Piotr Pavieł adznačyŭ, što farmavańnie ŭradavaj kaalicyi moža być składanym.
Čytajcie taksama:
Tyktok zakryŭ dziasiatki akaŭntaŭ za ŭmiašańnie ŭ vybary ŭ Čechii