Pamierła Hanna Hurjeva
Vialiki teatr Biełarusi paviedamiŭ pra śmierć salistki opiery, łaŭreatki Mižnarodnaha konkursu Hanny Hurjevaj. Joj było 60 hadoŭ.
Hanna Hurjeva. Fota: Vialiki teatr Biełarusi
Salistkaj biełaruskaha Vialikaha teatra Hanna Hurjeva stała ŭ 1994 hodzie, paśla zakančeńnia Adeskaj dziaržaŭnaj kansiervatoryi. Na scenie teatra jana vykanała bolš za try dziasiatki partyj: ad Džyldy, Marfy i Paminy da Miuziety, Siuzany, Raziny, ad kłasičnych opier da sučasnych pastanovak i śpiektaklaŭ dla dziaciej.
Asablivaje miesca ŭ tvorčym žyćci Hanny Hurjevaj zajmali kamiernyja kancerty: śpiavačka była pastajannaj udzielnicaj muzyčnych viečaroŭ u kamiernaj zale imia Łarysy Aleksandroŭskaj.
Z trupaj teatra hastralavała ŭ Aŭstryi, Brazilii, Hiermanii, Polščy, na Kipry.
Za vydatnyja tvorčyja dasiahnieńni i značny ŭkład u raźvićcio biełaruskaha muzyčnaha mastactva ŭ 2008 hodzie ŭznaharodžanaja Hanarovaj hramataj Savieta Ministraŭ Respubliki Biełaruś.