Na film «Kłasnaja» zahoniać usich
Takuju vysnovu možna zrabić z zajavy načalnicy adździeła repiertuarnaha płanavańnia UP «Kinavideaprakat» Minharvykankama Julii Baranavaj.
Navučencaŭ Minskaha handlova-ekanamičnaha kaledža zmusili prahladzieć film «Kłasnaja». Fota z telehram-kanała kaledža
«Vialikaja cikavaść i ŭvaha publiki, a taksama papiaredni prodaž na budučyja vychadnyja dajuć nam upeŭnienaść u tym, što pa vynikach prakatu film uvojdzie ŭ top samych kasavych filmaŭ hetaha hoda», — adznačyła Julija Baranava na telekanale STB.
Iryna Rodzik, dyrektarka 73‑j škoły Minska, raskazvała ŭ tok-šou na STB: «Maje dzieci, škoła, u pieršy dzień schadzili z 5‑ha pa 11‑ty kłas».
«My brali na premjeru studentaŭ tolki pieršaha kursa. Ciapier užo ŭsie studenty chočuć pahladzieć», — dzialiłasia Natalla Ždanovič, dekan fakulteta pačatkovaj adukacyi Biełaruskaha dziaržaŭnaha piedahahičnaha ŭniviersiteta.
Film «Kłascnaja» režysiora Kiryła Chaleckaha raskazvaje pra maładuju vypusknicu piedahahičnaj VNU Taćcianu Vasileŭskuju, jakaja atrymlivaje raźmierkavańnie ŭ ahraharadok. Film vielmi pravilny i ideałahična vytrymany. Až da knihi «Naš prezident» u dyrektara škoły.
A vas vadzili ŭžo na «Kłasnuju»? Pišycie svaje ŭražańni ŭ kamientach.
Skrynšot ź filma «Kłasnaja»
Film «Kłasnaja»: pahladzieli jaho, kab zrazumieć, jakimi «jany» chočuć bačyć «nas»
Nivodzin z synoŭ, unukaŭ i ŭnučak Alaksandra Łukašenki nie pajechaŭ pracavać u ahraharadok, nivodzin nie staŭ miechanizataram, nivodnaja nie pajšła ŭ nastaŭnicy. Jany žyvuć miž Drazdami, Dubajem, Piekinam, vialikimi scenami i estradami. Ale novy biełaruski film «Kłasnaja» nie pra takoje žyćcio, a pra sapraŭdnaje — pra toje, jakim pavinien žyć «prosty narod». I jak ža? Čytajcie ŭ artykule «Našaj Nivy».