U Kobrynie aŭtachton pahražaŭ padletkam pistaletam
22‑hadovy žychar Kobryna vyrašyŭ pahutaryć z dvuma padletkami. Ale ŭ vyniku ŭźnik kanflikt.
Zaraz padazravany zatrymany — u dačynieńni da jaho raspačata kryminalnaja sprava.
Pa infarmacyi śledstva, incydent adbyŭsia 4 kastryčnika. Uviečary 22‑hadovy miascovy žychar, jaki znachodziŭsia ŭ stanie apjanieńnia, padyšoŭ da dvuch 14‑hadovych padletkaŭ.
Školniki ŭ hety momant pakazvali adzin adnamu elemienty baraćby — heta i pryciahnuła ŭvahu padazravanaha. Chłopiec pačaŭ patrabavać, kab pryjomy ŭžyli da jaho, ale atrymaŭ admovu.
«Padazravany prykłaŭ da hałavy adnaho sa školnikaŭ pnieŭmatyčny pistalet. Dla paćvierdžańnia surjoznaści namieraŭ jon zrabiŭ streł u bok, a zatym udaryŭ nahoj druhoha padletka, sprabujučy spravakavać kanflikt. Adnak padletki nie paddalisia na pravakacyi i ŭciakli», — paviedamili ŭ Śledčym kamitecie.
Pra toje, što adbyłosia, školniki raspaviali baćkam, a tyja źviarnulisia ŭ milicyju. Nieŭzabavie padazravanaha zatrymali, taksama byli kanfiskavany pnieŭmatyčny pistalet i kuli. U dačynieńni da kobrynca raspačata kryminalnaja sprava za asabliva złosnaje chulihanstva.