U Rasii čynoŭnikam razasłali mietadyčki, jak pravilna vinšavać Pucina z dniom naradžeńnia
Siońnia Pucinu spoŭniłasia 73 hady.
Čynoŭniki atrymali rekamiendacyju raspaviadać pra dasiahnieńni Uładzimira Pucina na asabistych staronkach u sacsietkach. Heta vynikaje z publikacyi, jakaja źjaviłasia na staroncy kaardynatara «Žanočaha ruchu Adzinaj Rasii» i deputata ad partyi ŭ Tyvie Čaadury Eriendej, a taksama z publikacyj u VK, piša «Ahienctva».
Eriendej na asabistaj staroncy ŭ MŁVK apublikavała «TZ dla anłajn‑akcyi #PozdravlajemOtDonbassaDoKamčatki». Paźniej jana vydaliła hety post sa svajoj ściany, ale pakinuła jak fatahrafiju ŭ fotaalbomie staronki.
Udzielniki akcyi pavinny ŭ aŭtorak apublikavać na asabistaj staroncy ŭ VK tekst ź vinšavańniem Pucinu i pieralikam jaho dasiahnieńniaŭ. «Post (tekst) pavinien adlustroŭvać sutnaść akcyi (supravadžajecca tekstam, tematyčnaj karcinkaj, albo fota aŭtara). U pastie nieabchodna: pavinšavać Prezidenta Rasijskaj Fiederacyi. U jakaści supravadžalnaha kantentu možna vykarystoŭvać fatahrafii Prezidenta Uładzimira Pucina. Raskazać pra sučasnyja dasiahnieńni, jakija adbylisia ŭ vašym rehijonie abo ŭ krainie ŭ cełym. Pryvieści prykłady palapšeńniaŭ u śfierach ekanomiki, kultury, sportu, dziaržaŭnaha budaŭnictva», — havorycca ŭ TZ.