U Minsku pradajuć kvateru za $2,3 miljona. Što prapanoŭvajuć za takija šalonyja hrošy? ŠMAT FOTA

Kažuć, nad prajektam čatyrochpakajoŭki pracavali francuzskija dyzajniery i budaŭniki. A płošča adnoj tolki adkrytaj terasy bolš za 90 kvadrataŭ.

Fota tut i dalej: a-h.by

Znachodzicca hetaja kvatera na vulicy Filimonava ŭ Minsku — heta žyllovy kompleks «Akvamaryn». Pientchaus na šostym paviersie, ź jaho adkryvajecca šykoŭny vid na Ślapianskuju vodnuju sistemu i lesapark.

Płošča čatyrochpakajoŭki kala 216 kvadrataŭ. Prastornyja śvietłyja pakoi vytrymanyja ŭ adzinym styli — minimalizm z akcentam na naturalnyja materyjały i spakojnuju koleravuju hamu.

Interjer pabudavany na hulni śvietłaha dreva, miakkich tkanin i akcentnych detalaŭ: vialikija panaramnyja vokny i lohkija firanki napaŭniajuć pakoi naturalnym śviatłom.

Haścioŭnia ź vializnaj kanapaj i ŭbudavanaj miedyjazonaj płaŭna pieraciakaje ŭ kuchniu.

U dziciačych pakojach stajać dvuchjarusnyja łožki, intehravanyja sistemy zachoŭvańnia i miescy dla hulniaŭ.

Spalnia vytrymanaja ŭ spakojnych bežavych i šakaładnych kolerach.

Asablivaj uvahi zasłuhoŭvaje harderobnaja, jakaja bolš nahadvaje pamiaškańnie bucika: vitryny, padśvietka i pradumanaja arhanizacyja zachoŭvańnia.

Pamieram jana nie vielmi sastupaje mikrakvateram u «Minsk-Śviecie». Dla zachoŭvańnia adzieńnia i aksesuaraŭ vydzieleny 21 kvadrat. Uličvajučy, što adzin kvadrat u hetaj elitnaj kvatery kaštuje bolš za $10500, spatrebicca pradać nie adnu chruščoŭku niedzie ŭ Sierabrancy, kab apłacić tolki harderobnuju.

Ale hałoŭnaja fiška kvatery — terasa płoščaj kala 93 kvadrataŭ. Tut možna arhanizavać siamiejnuju viačeru pad adkrytym niebam ci zaharać letam u łaŭnž-zonie.

U abjavie paznačana, što nad prajektam kvatery pracavali francuzskija dyzajniery i budaŭniki. U adździełcy vykarystoŭvalisia darahija impartnyja materyjały, staić premijalnaja technika, stoł z vułkaničnaha kamienia.

Vykupleny dva pamiaškańni nad terasaj — heta tvorčyja majsterni. Jość i dva mašynamiescy z zaradnaj pryładaj dla elektraaŭtamabilaŭ.

Prosiać za ŭsiu hetuju raskošu $2,3 miljona.

Kamientary da artykuła