U škoły rassyłajuć patrabavańnie pisać vodhuki na film «Kłasnaja». Minadukacyi: Heta fejk

Ministerstva adukacyi apublikavała ŭ svaim telehram-kanale papiaredžańnie pra falšyvyja listy, jakija pačali rassyłać škołam krainy. U hetych listach ad piedahohaŭ patrabavali terminova napisać vodhuk na niadaŭna vypuščany film «Kłasnaja». Listy nibyta dasyłajucca ad imia ideałahičnaha adździeła Ministerstva, ale heta nie sapraŭdny akaŭnt viedamstva.

Navučencaŭ Minskaha handlova-ekanamičnaha kaledža zmusili prahladzieć film «Kłasnaja». Fota z telehram-kanała kaledža

U tekście lista z rassyłki było napisana: «Kalehi, nastojliva prosim u terminovym paradku padać recenzii na mastacki film «Kłasnaja» z podpisam namieśnika pa vychavaŭčaj rabocie». Da lista prykładali fajł z hatovym šabłonam recenzii i rekamiendavali vykarystoŭvać jaho «dla apieratyŭnaści». Taksama ŭ liście patrabavałasia terminova adpravić vodhuki da kanca pracoŭnaha dnia.

Ministerstva adukacyi padkreśliła, što heta falšyŭka, i zaklikała nastaŭnikaŭ ihnaravać hetyja listy dy paviedamlać kaleham, kab jany taksama nie reahavali.

Film «Kłasnaja» vyjšaŭ u šyroki prakat 18 vieraśnia. Režysior karciny — Kiryła Chalecki. U im raskazvajecca pra Taćcianu Vasileŭskuju, maładuju vypusknicu piedahahičnaha ŭniviersiteta, jakuju nakiroŭvajuć pracavać u škołu ahraharadka. Tam joj adrazu daviarajuć kiravańnie składanym 11‑m kłasam, što stanovicca asnovaj historyi.

Kamientary da artykuła