Tusk: Polšča nie vydaść Hiermanii aryštavanaha za padryŭ «Paŭnočnych patokaŭ»
Premjer-ministr Polščy Donald Tusk zajaviŭ, što Varšava nie budzie vydavać Hiermanii hramadzianina Ukrainy, zatrymanaha pa padazreńni ŭ datyčnaści da vybuchaŭ na hazapravodach «Paŭnočny patok» i «Paŭnočny patok — 2».
Donald Tusk. Fota: kancylaryja premjer-ministra Polščy
Jak adznačyŭ Tusk, ekstradycyja «nie adpaviadaje intaresam Polščy, a taksama pryncypam prystojnaści i spraviadlivaści». Pra heta jon skazaŭ padčas vizitu ŭ Litvu, a paźniej u sacsietcy X napisaŭ:
«Prablema z «Paŭnočnym patokam-2» nie ŭ tym, što jon byŭ padarvany. Prablema ŭ tym, što jon byŭ pabudavany».
Polšča z samaha pačatku vystupała suprać budaŭnictva hetaha hazapravoda, śćviardžajučy, što jon uzmacniaje zaležnaść Jeŭropy ad rasijskaha hazu i daje Maskvie dadatkovyja ryčahi ŭpłyvu na krainy-tranziciory.
Vybuchi na trubapravodach «Paŭnočny patok» i «Paŭnočny patok — 2» adbylisia ŭ vieraśni 2022 hoda. Rasśledavańnie incydentu praciahvajecca adnačasova ŭ niekalkich jeŭrapiejskich dziaržavach.
Čytajcie taksama:
Śledčyja ŭ Hiermanii vyznačyli asoby ŭsich padazravanych u padryvie «Paŭnočnych patokaŭ»
Padryŭ «Paŭnočnaha patoku»: stali viadomyja kulisy dziorzkaj dyviersii, rola Załužnaha i Polščy