U Polščy zatrymali ŭkrainca, jakoha padazrajuć u padryvie «Paŭnočnych patokaŭ»
Praceduru ekstradycyi čakajuć u najbližejšy čas.
Ukrainskaha hramadzianina zatrymali ŭ Polščy praz padazreńnie ŭ datyčnaści da vybuchu na hazapravodach «Paŭnočny patok». Ukrainca zatrymali pavodle jeŭrapiejskaha ordara na aryšt, vydadzienaha niamieckim sudom, piša RBK-Ukraina.
Zatrymańnie Uładzimira Z. adbyłosia ŭ horadzie Pruškuŭ. Jaho pieraviali ŭ rajonnuju prakuraturu ŭ Varšavie. Praceduru ekstradycyi čakajuć u najbližejšy čas. Advakat zatrymanaha Cimafiej Paprocki paviedamiŭ žurnalistam, što, na dumku abarony, padstaŭ dla ekstradycyi ŭkrainca ŭ niamieckuju sistemu pravasudździa niama.
Abarona śćviardžaje, što nijakaj mahčymaści vystavić abvinavačańnie kamu-niebudź, chto ŭdzielničaŭ u padryvie, niama. Takuju pazicyju Paprocki abhruntavaŭ tym, što «Paŭnočny patok» naležyć rasijanam i prybytak ad jaho idzie na vajnu va Ukrainie.
Advakat taksama adznačyŭ, pakul nieviadoma, ci ŭdzielničaŭ jahony klijent u hetaj dyviersijnaj apieracyi.
Niamieckija pravaachoŭniki nazyvajuć Uładzimira Z. instruktaram pa dajvinhu. Pavodle źviestak śledstva, u vieraśni 2022 hoda jon prypłyŭ ź niamieckaha Rostaka da Bałtyjskaha mora na jachcie, potym zanyrnuŭ pad vadu i raźmiaściŭ vybuchoŭku na padvodnym trubapravodzie.
Raniej śledčyja śćviardžali, što paśla padryvu jon zastaŭsia ź siamjoj u Polščy, a kali letam 2024 hoda niemcy źviarnulisia da palakaŭ z prośbaj zatrymać jaho, mužčyna vyjechaŭ na aŭtamabili z dypłamatyčnymi numarami.
«Čamu my pavinny jaho zatrymlivać? Dla nas jon hieroj», — adkazali polskija pravaachoŭniki niamieckim kaleham, kali tyja aburana pačali patrabavać tłumačeńniaŭ.
Padryŭ dvuch rasijskich hazapravodaŭ — «Paŭnočny patok» i «Paŭnočny patok-2» — adbyŭsia 26 vieraśnia 2022 hoda, praź niekalki miesiacaŭ paśla pačatku rasijskaha ŭvarvańnia va Ukrainu.
U vyniku vybuchaŭ byli paškodžany ŭčastki abodvuch hazapravodaŭ, što całkam vyvieła ich z ładu. Šerah krain raspačaŭ rasśledavańnie, adnak śledstva nie zmahło dakładna vyznačyć vinavatych, choć razhladajucca viersii datyčnaści Ukrainy, Rasii, ZŠA i navat Kitaja.
U Italii ŭ 2025 hodzie zatrymali hramadzianina Ukrainy — 49‑hadovaha Siarhieja Kuźniacova, byłoha vajskoŭca sił śpiecyjalnaha pryznačeńnia.
Hiermanija padazraje jaho ŭ arhanizacyi vybuchaŭ na hazapravodach. Sam Kuźniacoŭ i jaho abarona admaŭlajuć abvinavačańni ź Bierlina.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary
A strana eto v piervuju očieried́ ludi, eto oni strana i hosudarstvo, a eti ludi na zavodach v tri smieny rabotajut na armiju Rośsii, postavlajut bienzin i diziel, optiku dla russkich tankov, vstriečajut russkich sołdat s ćvietami. Ċjim oružim vojujet ukraincy, kto sodieržit hosudarstvo Ukraina? ETO JEVROPA I SŠA.
Vot pišiem i somnievajemsia, čto etot vaš nie kryvadušnyj riesurs opublikujet etot otviet, už śliškom oni pravilno biespokoiťsia o dušievnom ravnoviesii kak vy i vam podobnyje.